Presentacion
Eth TERMCAT ei eth centre de terminologia dera lengua catalana, creat eth 1985 pera Generalitat de Catalonha e er Institut d'Estudis Catalans.
Era mission deth TERMCAT ei coordinar era activitat terminologica en lengua catalana, per mejan dera prestacion de servicis de qualitat, era creacion de productes terminologics e era normalizacion de neologismes, entà garantir era disponibilitat dera terminologia catalana en toti es sectors de coneishença e d'activitat e entà afavorir-ne er usatge.
Eth TERMCAT ei regit per un Conselh de Direccion damb representants des entitats consorciades. Era normalizacion terminologica, ei a díder, era fixacion des naues prepauses terminologiques de besonh entath desvolopament dera coneishença enes diuèrsi encastres d'especialitat, s'amie a tèrme per mejan deth Conselh Supervisor, un organisme collegiat a on era participacion de diuèrsi membres der Institut d'Estudis Catalans e era presidéncia d'un membre dera sua Seccion Filologica garantissen era plaça apropriada d'aqueth prètzhèt damb er ensems dera activitat codificadora en lengua catalana.
Eth TERMCAT a tanben ua arreconeishuda trajectòria en encastre internacionau, e participe regularaments enes hilats de collaboracion terminologica multilingüa.
Equipa humana
Organigrama
Estatuts
Conselh de Direccion
Eth Conselh de Direccion deth TERMCAT ei integrat per representants dera Generalitat de Catalonha, der Institut d'Estudis Catalans e deth Consòrci entara Normalizacion Lingüistica.
Era composicion actuau deth Conselh de Direccion ei era següenta:
- Ester Franquesa i Bonet
Direccion Generau de Politica Lingüistica
- Joandomènec Ros Aragonès, vicepresident
Institut d'Estudis Catalans
- Jordi Bover i Salvadó
TERMCAT
- Marta Xirinachs i Codina
Direccion Generau de Politica Lingüistica
- M. Teresa Cabré i Castellví
Institut d'Estudis Catalans
- Mònica Pereña Pérez
Departament d'Ensenhament
- Josep Solà i Font
Departament d'Enterpresa e Coneishença
- Olga Alay i Torrecilla
Departament d'Enterpresa e Coneishença
- Josep Madorell i Bonora
Consòrci entara Normalizacion Lingüistica
Conselh Supervisor
Eth Conselh Supervisor deth TERMCAT ei un organ permanent e collegiat, que se reünís cada dues setmanes entà estudiar es dossièrs de normalizacion corresponents as casi terminologics que cau normalizar, o entà aprovar es documents de critèris lingüistics aplicables ath trabalh terminologic.
Era composicion actuau deth Conselh Supervisor ei era següenta:
Membres permanents
- Institut d'Estudis Catalans Seccion Filologica
Albert Jané i Riera, president
- Institut d'Estudis Catalans
Pere Montalat Buscató
- Institut d'Estudis Catalans
Josep M. Casasús i Guri
- TERMCAT
Jordi Bover i Salvadó
- TERMCAT
Joan Rebagliato Nadal
Membres adscriti
A prepausa deth president deth Conselh Supervisor e deth director deth TERMCAT son assessors adscriti deth Conselh Supervisor:
- Joan Nunes Alonso
Doctor en Geografia
- Carles Riera i Fonts
Doctor en Filologia Catalana e licenciat en Farmacia e Teologia
Assessors geolingüistics
A prepausa deth president dera Seccion Filologica der Institut d'Estudis Catalans e deth director deth TERMCAT son assessors geolingüistics extèrns deth Conselh Supervisor:
- Maria Josep Cuenca i Ordiñana
Doctora en Filologia Catalana
- Ramon Sistac i Vicén
Doctor en Filologia Catalana
- Joan Veny i Clar
Doctor en Filologia Catalana
Secretaria
- TERMCAT
Dolors Montes i Pérez
Procediments e actuacions juridiques
Eth TERMCAT non a assignades, laguens des sues atribucions, era elaboracion de nòrmes o instruccions, per çò que non ei d'aplicacion çò qu'establís aguest punt.
Politica de privacitat
Politica d'emparança de dades de caractèr personau
Eth TERMCAT garantís era privacitat des donades qu'obten des sòns usatgèrs cossent damb es exigéncies legaus en vigor, e arrepòrte era sua politica d'emparança de donades de caractèr personau entà qu'es usatgèrs determinen liurament e volontàriament se desiren facilitar ath TERMCAT es sues donades personaus per mejan de quina via que sigue.
Finalitat dera amassada e tractament automatizat des donades de caractèr personau
Era amassada e tractament automatizat des donades personaus s’amie a tèrme coma conseqüéncia dera consultacion, sollicitacion o soscripcion a quinsevolhe servici, promocion, sondatge o concors aufridi peth TERMCAT, e a era tòca de melhorar es servicis e reméter de comunicacions d’interès entàs usatgèrs.
Confidencialitat en tractament automatizat des donades de caractèr personau des usatgèrs
Es donades personaus amassades incorporades enes corresponents fichèrs automatizats deth TERMCAT arreceben un tractament confidenciau, cossent damb çò qu'establís eth Reglament (UE) 2016/679 deth Parlament Europeu e deth Conselh, deth 27 d'abriu de 2016, tocant era emparança des persones fisiques en çò que tanh ath tractament des donades personaus e ara liura circulacion d'aqueres donades. Eth TERMCAT a adoptat es nivèus de seguretat ena emparança des donades personaus legaument requeridi, e a installat toti es mejans e mesures tecniques ara sua posita entà evitar era pèrta, mau usatge, alteracion, accès non autorizat e panatòri des donades personaus facilitades.
Cession de donades personaus des usatgèrs a tresaus
Eth TERMCAT non cedirà a tresaus es donades personaus des usatgèrs que s'amassen per mejan deth sòn portau.
Drets des usatgèrs tocant es sues donades personaus
Es usatgèrs an arreconeishudi e pòden exercir eth drets d’accès, de rectificacion, de cancellacion o supression e era limitacion, portabilitat e oposicion deth tractament des sues dades, per mejan d’un messatge a informacio@termcat.cat o ben ua comunicacion dirigida ath TERMCAT (carrèr Mallorca, 272, 1r estatge, Barcelona), en tot acompanhar en aqueth cas ua còpia deth DNI o quinsevolhe aute mejan valid en dret que permete acreditar era sua identitat.
Delegat d'emparança de donades deth TERMCAT
Adreça electronica: dpd@termcat.cat
Adreça postau: Mallorca, 272, 1r. 08037 Barcelona
Telefon: +34 93 452 61 61
Orari d’atencion ath public: De 9 a 14 h e de 15 a 18 h de deluns a dijaus; diuendres de 9 a 15 h.
Deth 1r de junh ath 30 de seteme, pendent eth periòde de Nadau e entath periòde de Pasca er orari d'atencion ath public ei de 8 a 15 h.
Eth Centre de Terminologia TERMCAT barre es tres prumères setmanes d'agost. Pendent tot aqueth mes eth Servici de Consultacions e eth Servici de Documentacion non son actius.
Mès informacion sus era politica d'emparança de donades
