Projècte europèu Coopwood-POCTEFA

 

POCTEFA 2014-2020 ei un programa europèu de cooperacion transfronterèra creat entà fomentar eth desvolopament sostenible deth territòri d'Espanha, França e Andòrra. POCTEFA 2014-2020 ei era cincau generacion de supòrt financèr comunitari destinat a reforçar era integracion economica e sociau dera zòna frontalièra Espanha-França-Andòrra. POCTEFA cofinance projèctes de cooperacion transfronterèra dessenhadi e gestionadi per actors des dues bandes des Pirenèus. Era autoritat de gestion deth programa ei era Comunitat de Trabalh des Pirenèus, un consòrci format per sèt territòris: dues regions franceses (Naua-Aquitània e Occitània / Pirenèus Mediterranèa), quate comunitats autònomes espanhòles (Bascoat, Navarra, Aragon e Catalonha) e eth Principat d'Andòrra.

Coopwood / Interreg

Eth projècte COOPWOOD vò fomentar era cooperacion transfronterèra entre actors implicadi ena formacion professionau e enterpreses en sector dera husta e ei format pera Associacion Patronau de Hustèrs de Guipuscoa, era Cramba de Mestièrs e Mestieraus des Pirenèus Atlantics CMA64, era Federacion de Mestièrs dera Construccion FCMB, TKNIKA, TERMCAT, Centre de Terminologia, era Cramba de Mestièrs d'Arièja CMA09 e eth CIS San Juan/Donibane. Ne son membres associadi eth Grèmi Husta e Mòble de Catalonha, l’Institut Politècnic Easo Politeknikoa e l’Associacion Fibois de Naua Aquitània.

Es objectius de COOPWOOD son:

  • Melhorar es contenguts, es metòdes, es estruments e era ofèrta formativa, en tot adaptar-les ath hilat enterpresariau.
  • Melhorar eth nivèu de qualificacion e es competéncies d'ensenhaires, estudiants e tecnicians.
  • Melhorar era mobilitat d'estudiants e emplegats.
  • Generar sistèmes d'equivaléncia entre competéncies e qualificacions.
  • Crear ua guida transfronterèra sus legislacion e informacion que facilite era mobilitat d'agents e era collaboracion entre enterpreses.
  • Implementar naui modèls de comercializacion: desvolopament de naui productes.

Tanben, melhorar era mobilitat d'estudiants e trabalhadors. Un melhorament en accès ath mercat deth trabalh enes dus costats dera termièra permeterà ath sòn hilat enterpresariau de profitar es potencialitats existentes e crear equipes de trabalh tan competitius coma sigue possible.

Eth projècte a un còst totau de 1.027.600€ e ei cofinançat ath 65% per FEDER en encastre deth programa INTERREG V-A Espanha-França-Andòrra (POCTEFA 2014-2020).

Entre d'auti, es organizacions que conformen COOPWOOD an mes en marcha es iniciatives següentes:

  • Estudi e diagnostic transfronterèr deth sector.
  • Metuda en comun d'aufèrtes formatives, títols, acreditacions e metodologies.
  • Obtencion d'equivaléncies de competéncies e qualificacions.
  • Desvolopament d'ua borsa de trabalh.
  • Desvolopament de corsi de formacion especifics sus husta.
  • Desvolopament d'airines de comercializacion.

Toti aqueri resultats son disponibles en ua pagina web d'informacion e collaboracion.

Era participacion deth TERMCAT en aguest projècte se centre ena creacion d'un glossari castelhan-francés-basc-catalan sus tèrmes der encastre dera husta, disponible ena pagina web deth projècte.