Servicis

Servicis qu'aufrís eth TERMCAT as sòns usatgèrs (professionaus expèrts, lingüistes o ciutadans damb inquietuds terminologiques).

Cercaterm-Servici de Consultacions

Eth Cercaterm ei eth cercador der ensems de fiches terminologiques de quin encastre d'especialitat que sigue qu'eth TERMCAT met a disposicion public, de manèra gratuïta. Consultatz toti es diccionaris terminologics deth Centre e tanben productes cedidi per auti organismes de referéncia.

Entà mès informacion sus eth contengut des fiches terminologiques, eth Servici de Consultacions aten gratuïtament consultacions terminologiques d'especialistes, professionaus e enterpreses o institucions deth sector public e privat; e tanben aufrís informacion sus critèris terminologics, metodologics e lingüistics aplicadi en trabalh terminologic o ena normalizacion de neologismes en catalan. Se vos enregistratz prèviament, podètz adreçar de consultacions terminologiques al Servici.

 

Portals Temàtics-Diccionaris en Línia

Eth TERMCAT met a disposicion des professionaus d'un encastre d'especialitat recorsi terminologics pròpris deth sòn sector per mejan des Portals Temàtics e es Diccionaris en Línia.

Es Porttals Temàtics amassen recorsi terminologics entà un sector d'especialitat; pòden contier un cercador terminologic, articles, comentaris, critèris e ligams a diccionaris.

Es Diccionaris en Línia amassen mès d’un centenat de diccionaris de diferenti domenis d’especialitat, elaboradi peth TERMCAT o damb eth sòn assessorament, amassadi en grani sectors tematics.

Es professionaus expèrts an era opcion d’integrar-se en grops de terminologia sectoriau entà collaborar a mantier actualizades es donades terminologiques difonudes e ena resolucion de dobtes. S'ètz interessadi a collaborar en un d'aguesti grops, podetz sollicitar mès informacion per mejan deth formulari de contacte deth TERMCAT.

Normalizacion de tèrmes

Eth TERMCAT a encomanada era normalizacion des neologismes deth lexic d'especialitat. Aguesta encomana se concrète en dus aspèctes:

  • Era aprovacion des formes catalanes des naui tèrmes que sorgissen enes encastres tecnics, scientifics o umanistics, sigue perque encara non i a cap de prepausa denominativa, sigue perque se difonen formes pòc apropriades deth punt d'enguarda lingüistic o terminologic.

  • Era fixacion de critèris lingüistics e terminologics que faciliten eth trabalh terminologic e eth desvolopament des lengatges d'especialitat en catalan.

Er organ encargat d'amiar a tèrme aguest prètzhèt ei eth Conselh Supervisor deth TERMCAT.

Laguens deth procès de normalizacion de neologismes terminologics, eth TERMCAT tanben posse estudis d’implantacion des tèrmes normalizadi, per auer dades sus er usatge reau des tèrmes establidi peth Conselh Supervisor quauqui ans dempús dera sua aprovacion e entà conéisher quini son es factors que pòden afavorir o dificultar era implantacion des tèrmes.

Se mos voletz mandar prepauses de naui tèrmes a normalizar, auetz ara vòsta disposicion eth Dossièr de normalizacion e era guida d'elaboracion corresponenta (Recèrca terminologica: Eth dossièr de normalizacion). Se consideratz que bèth un des tèrmes ja normalizadi se deuerie reconsiderar, hèr-mos-ac saber tanben per mejan deth madeish Dossièr de normalizacion.

Traparatz toti es tèrmes normalizadi peth Conselh Supervisor ena Neolotèca. Tanben se pòden consultar des deth Cercaterm.

Servici de Documentacion

Eth Servici de Documentacion deth TERMCAT aten institucions, enterpreses, associacions professionaus, assessors lingüistics, traductors e particulars qu'an de besonh d'obtier ua informacion mès detalhada sus productes terminologics d'un determinat encastre d'especialitat.

Per mejan dera Biblioteca en Línia, aufrís era possibilitat de consultar es referéncies bibliografiques e era descripcion de quin producte terminologic que sigue que contengue tèrmes en catalan.

Tanben aufrís era opcion de consultar eth hons documentau dera bibliotèca deth Centre, que conten mès de 10.000 volums. Entà èster ath corrent des incorporacions mesadères en hons documentau deth TERMCAT (monografies, articles de revista e parts de monografia), podetz consultar es novetats documentaus.

Egalament, tanben aufrís informacion sus es critèris de citacion bibliografica qu'utilize eth TERMCAT enes sues bibliografies.

Se voletz méter-vos en contacte damb eth Servici de Documentacion o voletz consultar es òbres deth nòste hons documentau, podetz adreçar-vos a documentacio@termcat.cat.

S'auetz interès ena aquisicion des materiaus elaboradi peth TERMCAT, consultatz eth ligam Libreria dera Generalitat de Catalonha.

Assessorament terminologic entara elaboracion de diccionaris

Eth TERMCAT aten es organismes (universitats, associacions e collègis professionaus, institucions publiques, enterpreses, eca) e es persones (professionaus, recercaires, eca.) que solliciten assessorament entara elaboracion de productes terminologics (diccionaris, vocabularis, lexics, glossaris, tesaurus, eca).

Es actuacions d'assessorament pòden includir, segontes es caracteristiques de cada projècte, prètzhèts de revision terminologica; de recèrca, resolucion e, s'esquè, normalizacion de neologismes; de supòrt metodologic; de coordinacion d'equipes de traductors; d'avaluacion qualitativa, e de gestion terminologica e informatica.

Es autors de diccionaris elaboradi an era possibilitat d’autoavalorar-les en linha mitjançant er estrument TermTest, que permet ar usatgèr auer ua prumèra avaloracion objectiva e digitau deth sòn diccionari e tanben conéisher qüestions basiques de metodologia que li pòden èster utiles entà melhorar-lo.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Assessorament terminologic entara redaccion o traduccion de tèxtes d'especialitat

Eth TERMCAT aufrís assessorament metodologic, terminologic e documentau entara redaccion o traduccion d'òbres especializades, documentacion tecnica o normativa e d'auti tèxtes d'especialitat as institucions, universitats e centres de recèrca, organismes, enterpreses e persones qu'ac solliciten.

Es actuacions d'assessorament pòden includir, segontes es caracteristiques de cada projècte, prètzhèts de revision terminologica; de recèrca, resolucion e, s'esquè, normalizacion de neologismes; de supòrt metodologic; de coordinacion d'equipes de traductors; d'avaluacion qualitativa, e de gestion terminologica e informatica.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Assessorament terminologic entara localizacion de productes informatics

Eth TERMCAT aten es organismes (associacions, institucions publiques, enterpreses, eca) que solliciten assessorament entara localizacion de productes informatics en catalan.

Segons es caracteristiques de cada projècte, era ofèrta d'assessorament pòt includir informacion sus es recorsi documentaus de referéncia en encastre tecnologic, supòrt metodologic e terminologic pendent eth procès de desvolopament o de traduccion deth programari, normalizacion des neologismes qu'ac requerisquen, avaloracion dera qualitat lingüistica e terminologica deth producte finau e gestion terminologica pendent tot eth projècte.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Avaloracion terminologica de diccionaris e òbres especializades

Eth TERMCAT aten es organismes (universitats, associacions e collègis professionaus, institucions publiques, enterpreses, eca) e es persones (professionaus, investigadors, eca) que solliciten era avaloracion terminologica d'un producte terminologic o especializat qu'an elaborat o qu'ei en cors d'elaboracion.

Era avaloracion se sòl concretar en un informe a on se detalhen es caracteristiques dera òbra, es possibles mancances que se i detecten e es passi que calerie hèr entà resòlver-les.

En cas de diccionaris e vocabularis, i a era possibilitat d’autoavalorar-les en linha mitjançant er estrument TermTest, que permet ar usatgèr auer ua prumèra avaloracion objectiva e digitau deth sòn diccionari e tanben conéisher qüestions basiques de metodologia que li pòden èster utiles entà melhorar-lo.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Difusion de recuèlhs terminologics extèrns

Eth TERMCAT aufrís era possibilitat de difóner en linha materiaus terminologics elaboradi per autes entitats, integradi en Cercaterm o coma diccionaris. Cau que complisquen uns requisits metodologics e de qualitat (ved. Avaloracion terminologica de diccionaris).

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Descarga e cession de terminologia

Eth TERMCAT met a disposicion dera societat repertòris terminologics provenents des sues bases de donades, en diuèrsi formats e dejós licéncies Creative Commons per mejan dera airina Terminologia Oberta.

Tanben aten es institucions, universitats e centres de recèrca, enterpreses e editoriaus, collègis professionaus e organismes que solliciten ua cession de dades terminologiques per arrespóner as besonhs de coneishement e divulgacion de terminologia en se des sues organizacions, ja sigui a trauès des sues webs corporatives, ja sigue coma supòrt entara construccion de plataformes tecnologiques de gestion (cercaires, portaus, integracion enes airines d'edicion, eca), e tanben es peticions formulades per professionaus dera lengua, entà candidats a doctorat o entà especialistes qu'an de besonh mòstres de còrpus terminologics representatius enes sòns trabalhs de recèrca.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Estruments informatics entath trabalh terminologic

Eth TERMCAT aufrís actuaument tres airines tecnologiques que faciliten eth trabalh terminologic: era GdT e era GdTweb.

Ne traparatz mès informacion ena seccion Gestors de terminologia.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

 

Visites e estagis de formacion

Eth TERMCAT actue coma centre de practiques entà estudiants de terminologia, lexicografia, traduccion, documentacion, comunicacion, multimèdia e informatica, a trauès de convènis de collaboracion que manten damb diuèrsi centres de recèrca e institucions universitàries.

Tanben organize sessions d'informacion e presentacions a grops d'estudiants, professionaus o investigadors interessadi ena terminologia.

Se pòt sollicitar informacion mès detalhada sus aguest servici per mejan deth formulari de contacte deth TERMCAT.

Compromisi generaus de servici

Ena prestacion de servicis, eth TERMCAT d'engatge damb es sòns usatgèrs a:

  • Atier totes es peticions d'informacion o d'assessorament formulades pes usatgèrs per mejan de professionaus qualificadi e enes terminis decididi entath servici.
  • Garantir era integritat, era confidencialitat e era disponibilitat des donades qu'es usatgèrs li hèsquen arribar en encastre des relacions professionaus establides, cossent damb çò qu'establís era legislacion vigenta.
  • Mantier permanentament actualizades es dades de consultacion publica e es dades terminologiques objècte de cession.

Podetz hèr-mos arribar quinsevolhe suggeriment, planh o comentari per mejan deth formulari de contacte deth TERMCAT.